விளையாட்டு

எப்போ வேணும்னாலும் சாப்பிடலாம் ஆனால் கிரிக்கெட்...விராட் கோலி யாருக்கு அட்வைஸ் செய்தார் தெரியுமா?

கோலியின் இந்த வார்த்தைகள்தான் எனக்கு உத்வேகம் அளித்தது. கிரிக்கெட் மீதான பார்வையை மாற்றியமைத்தது. ஓய்வுபெறும்வரை துடிப்புடன் கிரிக்கெட் விளையாட வேண்டும் என்ற உந்து சக்தியைக் கொடுத்தது

ஐபிஎல் 13ஆவது சீசனில் சஞ்சு சாம்சன் அதிரடி காட்டி, ரசிகர்களை மகிழ்ச்சிப்படுத்தி வருகிறார்கள். தொடர்ந்து சிறப்பான ஆட்டத்தை வெளிப்படுத்தி வருவதற்கான காரணத்தைக் குறிப்பிடும் போது, விராட் கோலியின் அறிவுரையைச் சுட்டிக்காட்டியுள்ளார்.
“நான் இந்திய அணியில் இருந்தபோது அற்புதமான அனுபவம் எனக்குக் கிடைத்தது” என முதல் இரண்டு போட்டிகளில் அரை சதம் கடந்த சஞ்சு சாம்சன் பத்திரிகையாளர் சந்திப்பில் கூறினார். “விராட் கோலியுடன் ஜிம்மில் பயிற்சி மேற்கொண்டிருந்த நேரம் அது. அப்போது, நான் விராட் கோலியிடம் ஏன் ஜிம்மில் அதிக நேரம் செலவு செய்கிறீர்கள் எனக் கேட்டேன். அவரிடம் தொடர்ந்து கேள்விகள் கேட்டுக்கொண்டிருந்தேன்.
அவர் பதில் கேள்வி கேட்டார். ‘சாம்சன் நீ எத்தனை வருடம் கிரிக்கெட் விளையாட விரும்புகிறாய்’ எனக் கேட்டார். இன்னும் 10 வருடங்கள் வரை கிரிக்கெட் விளையாடுவேன் எனத் தெரிவித்தேன். அதற்குப் பதிலளித்த அவர், ‘நீ இந்த பத்து வருடங்களை கிரிக்கெட்டிற்கு கொடுத்துவிடு. கடுமையாக பயிற்சி செய்து நீ யார் என்பதை நிரூபித்துக் காட்டு. 10 வருடங்களுக்குப் பின்பு நீ உன்னுடைய சொந்த ஊர் கேரளாவிற்கு சென்று விருப்பப்பட்ட உணவை உண்ணமுடியும். ஆனால், 10 வருடங்களுக்கு பிறகு நீ கிரிக்கெட் விளையாட முடியாது. இதை மனதில் வைத்துக்கொள்” என
விராட் கோலி தெரிவித்ததாக சஞ்சு சாம்சன் தெரிவித்துள்ளார்.
“கோலியின் இந்த வார்த்தைகள்தான் எனக்கு உத்வேகம் அளித்தது. கிரிக்கெட் மீதான பார்வையை மாற்றியமைத்தது. ஓய்வுபெறும்வரை துடிப்புடன் கிரிக்கெட் விளையாட வேண்டும் என்ற உந்து சக்தியைக் கொடுத்தது” என சாம்சன் கூறினார்.
சஞ்சு சாம்சன் 2015ஆம் ஆண்டு இந்திய அணியில் அறிமுகமானார். அதன்பிறகு, அவருக்கு அணியில் வாய்ப்புகள் கிடைக்கவில்லை. கடைசியாக, 5 வருடங்களுக்குப் பிறகு இலங்கை, நியூசிலாந்து அணிகளுக்கு எதிரான டி20 தொடர்களில் வாய்ப்புகள் வழங்கப்பட்டது. களமிறக்கப்பட்ட 3 போட்டிகளிலும் ஒற்றை இலக்க ரன்களுக்கு ஆட்டமிழந்தார்.
தற்போது, ஐபிஎல் தொடரின் முதல் இரண்டு போட்டிகளில் 32 பந்துகளுக்கு 74 ரன்களும், 42 பந்துகளுக்கு 85 ரன்களும் குவித்து தனது திறமையை நிரூபித்துள்ளார். மீண்டும் இந்திய அணியில் உங்களுக்கு வாய்ப்பு கிடைக்குமா என்று கேள்விகள் எழுப்பப்பட்டது. அதற்குப் பதிலளித்த அவர், “கிடைக்கலாம், கிடைக்காமலும் போகலாம். என்னை நம்பி களமிறக்கும் அணிகளுக்கு வெற்றியைத் தேடித்தருவதுதான் என்னுடைய முதல் இலக்கு. ஓய்வுபெறும் வரை இதை மட்டுமே மனதில் வைத்துச் செயல்படுவேன்” என சஞ்சு சாம்சன் தெரிவித்தார்.

Today's Highlights

Petrol Diesel Rate பெட்ரோல் , டீசல் விலை - சென்னை
30-Oct-2020
பெட்ரோல்
Rupee 0(லி)
டீசல்
Rupee 0(லி)
பி.எஸ்.இ
என்.எஸ்.இ
1 கிராம்
Rupee
8 கிராம்
Rupee
1 கிராம்
Rupee
1 கிலோ
Rupee