விளையாட்டு

ரோகித் சர்மா, இஷாந்த் சர்மா முதல் இரண்டு டெஸ்ட் போட்டிகளில் விளையாட வாய்ப்பில்லை

ரோகித் சர்மா, இஷாந்த் சர்மா ஆகியோர் உடற்தகுதியை நிரூபித்து உடனடியாக ஆஸ்திரேலியா செல்ல வாய்ப்பு இல்லாததால் முதல் இரண்டு டெஸ்டில் விளையாட வாய்ப்பில்லை.

இந்தியா - ஆஸ்திரேலியா அணிகளுக்கு இடையில் நான்கு போட்டிகள் கொண்ட டெஸ்ட் தொடர் அடிலெய்டில் அடுத்த மாதம் 17-ந்தேதி தொடங்குகிறது. 2-வது டெஸ்ட் மெல்போர்னில் பாக்சிங் டே டெஸ்டாக டிசம்பர் 26-ந்தேதி தொடங்குகிறது.

முதல் போட்டி முடிந்தவுடன் இந்திய அணி கேப்டன் விராட் கோலி இந்தியா திரும்பி விடுவார். ஐபிஎல் தொடரின்போது காயத்திற்கு உள்ளான ரோகித் சர்மா, இஷாந்த் சர்மா ஆகியோர் டெஸ்ட் அணியில் இடம்பிடித்துள்ளனர்.

ஆனால் காயம் சரியாக பெங்களூருவில் உள்ள தேசிய கிரிக்கெட் அகாடமியில் பயிற்சி மேற்கொண்டு வருகின்றனர். ஆஸ்திரேலியா செல்பவர்கள் 14 நாட்கள் கோரன்டைன் நடைமுறையை கடைபிடிக்க வேண்டும். 17-ந்தேதி போட்டியில் பங்கேற்க வேண்டுமென்றால் டிசம்பர் 3-ந்தேதி ஆஸ்திரேலியா சென்றிருக்க வேண்டும். 3-ந்தேதி சென்றடைந்தாலும் டெஸ்ட் போட்டியில் நேரடியாக கலந்து கொள்வது கடினம். ரோகித் சர்மா டிசம்பர் 8-ந்தேதி புறப்பட தேசிய அகாடமி அனுமதி அளித்துள்ளதாக தெரிவிக்கப்பட்டுள்ளது.

அப்படி 8-ந்தேதி புறப்பட்டால் 9-ந்தேதியில் இருந்து 22-ந்தேதி அல்லது 23-ந்தேதி வரை கோரன்டைனில் இருக்க வேண்டும். அதற்குள் முதல் டெஸ்ட் முடிந்துவிடும். 2-வது டெஸ்டிற்கு தயாராக ஒருவார பயிற்சியாவது மேற்கொள்ள வேண்டும். இதனால் முதல் இரண்டு டெஸ்ட் போட்டிகளில் பங்கேற்பது கடினம் என நம்பத்தகுந்த வட்டாரங்கள் மூலம் செய்திகள் கசிந்துள்ளன.

ஏற்கனவே விராட் கோலி இல்லாத நிலையில் இந்த இரண்டு அனுபவ வீரர்களும் இடம் பெறாவிடில் இந்தியாவுக்கு மிகப்பெரிய பாதகமாக அமையும்.

Today's Highlights

Petrol Diesel Rate பெட்ரோல் , டீசல் விலை - சென்னை
19-Jan-2021
பெட்ரோல்
Rupee 0(லி)
டீசல்
Rupee 0(லி)
பி.எஸ்.இ
என்.எஸ்.இ
1 கிராம்
Rupee
8 கிராம்
Rupee
1 கிராம்
Rupee
1 கிலோ
Rupee