தமிழ்நாடு

நிவர் புயல்: பெட்ரோல் நிலையங்கள் இயங்குமா?

நிவர் புயல் நாளை கரையை கடக்கவுள்ள நிலையில் பெட்ரோல் பம்புகள் வழக்கம்போல் இயங்கும் என்று அறிவிக்கப்பட்டுள்ளது.

தென்மேற்கு வங்கக் கடலில் நிலைகொண்டுள்ள நிவர் புயல் நாளை மாலையில் புதுச்சேரி அருகே கடையை கடக்கும் என இந்திய வானிலை ஆய்வு மையம் தெரிவித்துள்ளது. இதையடுத்து பொதுமக்கள் பாதுகாப்புடன் இருக்கும்படி அறிவுறுத்தப்பட்டுள்ளது.

இந்நிலையில், தமிழகத்தில் உள்ள அனைத்து பெட்ரோல் பம்புகளும் இயங்கும் என்று அறிவிக்கப்பட்டுள்ளது. இதுகுறித்து தமிழ்நாடு பெட்ரோலிய விற்பனையாளர்கள் சங்கம் இன்று வெளியிட்டுள்ள செய்திக் குறிப்பில், “தமிழக அரசு நிவர் புயலை எதிர்கொள்ள நாளை (நவம்பர் 25) பொது விடுமுறை அறிவித்துள்ளது.

பெட்ரோல், டீசல் விற்பனை அத்தியாவசிய சேவையினை கருத்தில் கொண்டு தமிழ்நாட்டில் உள்ள அனைத்து பெட்ரோல், டீசல் விற்பனை நிலையங்களும் பாதுகாப்புடன் வழக்கம் போல இயங்கும்.

நாளை புயலினை எதிர்கொள்ளும் கடலூர், விழுப்புரம், புதுக்கோட்டை, நாகப்பட்டினம், தஞ்சாவூர், திருவாரூர் மற்றும் செங்கல்பட்டு ஆகிய ஏழு மாவட்டங்களில் மட்டும் புயல் கரையை கடக்கும்போது பெட்ரோல், டீசல் விற்பனை தற்காலிகமாக நிறுத்தி வைக்கப்படும்.

புயல் கரையை கடந்தபிறகு தக்க பாதுகாப்புடன் மீண்டும் பெட்ரோல், டீசல் விற்பனை தொடங்கப்படும். மற்ற மாவட்டங்களில் வழக்கம்போல பெட்ரோல், டீசல் விற்பனை நடைபெறும்” என்று தெரிவிக்கப்பட்டுள்ளது.

Today's Highlights

Petrol Diesel Rate பெட்ரோல் , டீசல் விலை - சென்னை
23-Jan-2021
பெட்ரோல்
Rupee 0(லி)
டீசல்
Rupee 0(லி)
பி.எஸ்.இ
என்.எஸ்.இ
1 கிராம்
Rupee
8 கிராம்
Rupee
1 கிராம்
Rupee
1 கிலோ
Rupee